Tag Archives: 2009

In Jou (‘n Ou gedig)

21 Jul

Hoe is die vir ‘n #ThrowbackThursday? Oftewel, #DonnerterugDonderdag…
Ek het die gedig ontdek wat ek in Augustus 2009 geskryf het. Ek dink dis een van my persoonlike favourites, en na al die jare bly hy steeds relevant…

fountain-pen-on-paper-header

IN JOU

In jou lê eenvoud
In jou lê krag
In jou lê so baie
waarna ek smag

In jou is wysheid
In jou is eer
In jou is alles
wat ek nog moet leer

In jou vind ek vrede
In jou, geluk
Tog in jou hede
wil ek verstik

Want jy is die ek
wat ek more kan wees
Tog is more se ek
die een wat ek vrees…


Nou ja, there you have it. Ek verwys jou ook graag na my Standard Disclaimer voor jy weird goed vra of so…

Comments welcome, sharing encouraged, tequila appreciated.

 

Skree Alleen – ‘n Rympie uit 2009

4 Oct

In 2009 het ek nog by ‘n skool gewerk. Daar was stakers in die pad met pangas en hulle het nie baie van ons gehou wat meer omgegee het oor die kinders as die staking nie. Ek het een pouse in die personeelkamer gesit en die rympie geskryf. Ek glo dis op baie meer van toepassing as net op daai staking.

Skree Alleen

SKREE ALLEEN 

Skree sonder my
want my keel is seer en my emosies loop hoog
maar duidelik nie naby so hoog soos joune nie
jy word opgeblaas en aangevuur
om op te tree en neer te sien
om op te kyk en af te kraak
en heeldag in die straat te staak

skree sonder my
want jou ideale is anders as myne
of dalk is dit dieselfde
maar ek is anders as jy

skree sonder my
want ek kry myself nie so ver om saam te skree nie
ten minste nie in die publiek nie
of soos jy, ‘n jongman met ‘n kierie nie
as jy rondhop soos ‘n brullende leeu
deur tye van onbaatsugtige selfsug
in die vrye verwarring van ‘n vryer volk

skree sonder my
want jy is anders as ek
of dalk skree ek net op ‘n ander manier
ek skree dalk op ‘n ander plek

so, miskien skree ons saam
‘n desperate uitroep van opgekropte emosie
jy met danse en gille en posters, soms bloed
ek om braaivleis en vure, of by vriende op facebook
skree onrustig, skree gerus voort
skree blou maandag
skree blou moord

Saam skree ons alleen

————
(c) cdb2009

Saam skree ons alleen

 

Wat dink jy? Drop gerus ‘n comment as jy wil…
As usual, verwys ek jou na my standard disclaimer voor jy op hol raak met iets 😉

 

kilometer – ‘n rympie van lank terug

12 Sep

Hehe, emo much? Nog ‘n gedig van ‘n paar jaar terug. Geskryf, as most of these go, vir (as gevolg van?) ‘n girl.

———————

KILOMETER

My_Heart__s_In_A_Noose__by_xKeepYourSoulxkilometer
teer verwyt
wat het jou
dit laat besluit

kilometer
galgtou streep
my laaste asem
jou nie vergeet

kilometer
Kilomonster
kul my hier en
kul jou daar (…ver)

kilometer
uitgerek
kilometer
jy maak my gek

———————

Thanx dat jy gelees het, as usual onthou my Standard Disclaimer 😉

%d bloggers like this: