Tag Archives: Dowe Digters

Die Silver Lining – ‘n Gedig

15 Aug

Daar is baie kak in die wêreld. Soms deal ek daarmee deur iets te skryf.

Hierdie was een van daai tye. Die dinge in die nuus en mense se houdings daaroor het net een te veel geword.
Ek’t die rympie opgesê by die opening van laasmaand se Dowe Digters. Dis anders, ‘n ander styl, as wat ek al ooit gedoen het.
Lees gerus, laat weet wat jy dink, en soos gewoonlik: Onthou my standard disclaimer.

Cloud with Silver Lining

Die Silver Lining

Ek is nie een vir negatiewe rympies nie
So kom ons begin waar ek sou klaarmaak
Daar is altyd
‘n silver
lining

 

Dis waar
It never rains but it pours
In fact dit reen katte en honne
En sekuriteitswagte en lektore
Ten minste kan ons seker wees van Rus
Land se manier om rus te verstoor
En met ‘n moerse sla(a)g
Van verligting sit jy ten  minste in jou binneshuise verhitting
En verwonder jouself aan die vermetelheid
van die straat
naam veranderings
O ja, seker straatkinners ook

Jy het ‘n stem, net jammer jy sing hom
Jy het probeer… MET jou beste geweer
Jy glo in jou eie verkose god…deloosheid
Jy create jou eie roetines om teen roetine te rebeleer

Ons word almal meegesleur
net soos ‘n kind in ‘n hijacking
En dit maak seer
as jy aan al die drama dink
Maar seer sekerlik nie so seer soos vir daai kind nie

It never rains but it pours
Maar loer na die silver lining
Ten minste het ons nog
Suiwer Afrikaans.

——————

@BaasDeBeer, 2014

Een Aand Alleen – ‘n Windgat rympie wat ‘n punt bewys

2 Sep

Marcia Moon tydens War of the WordsDiegene wat by Oppikoppi was die jaar, sal (teoreties) kan onthou daar was ‘n digterlike aspek aan die jaar se program, genaamd Poetry Sessions, oftewel  “War of The words”.

Basies, 2 spanne bestaande uit 3 digters elk, met ‘n musikant so in die mix gegooi, wat dig vir punte. Die MC kry die gehoor om ‘n woord/topic te kies, waarop die spanne reageer deur een rymelaar te deligeer om ‘n gepaste gedig te gaan optower in die 15 minute wat die musikant neem om so 3 liedjies te sing.
Hier is ‘n video geneem tydens een van die sessies by Oppikoppi 2013.
Daar word gecheer en gelees en gelag en gesing, en dis vetpret.
Natuurlik, wou ek deel word van een van daai spanne.

Ek het my kans gevat, en by die Augustus byeenkoms van die Dowe Digters (sal in die toekoms nog meer oor hul skryf) heel windgat proclaim dat ek op daai betrokke aand my audisie sal doen vir die spanne (aangesien die sameroeper van die spanne, @KarelKopbeen) daar was.
Om dinge vir myself moeiliker te maak (ek sê mos, windgat) toe laat ek die gehoor nie net ‘n woord kies nie, maar ook ‘n emosie/state of being, asook of die gedig in Afrikaans of Engels moet wees.

Die resultaat:
‘n Nostalgiese Afrikaanse gedig oor spare ribs.

Lees gerus, en sê of dink jy @KarelKopbeen het die regte belsuit geneem om my ‘n spot in die spanne te gee…

 

Een Aand Alleen

Dit was daar in Waverley
My maag was leeg
En my gemoed was vol
Ek was nuut
Maar my hart, oud

Die weerklanke van ‘n klappende gedreun
Van generiese verjaarsdagwense
Het verlore geraak
Oorrompel deur die stilte in my gemoed

My mes en vurk
Die sout en peper
Pienk sous en bruin
Nie een was soos ek
Want nie een
Was alleen

En toe was daar jy

Jy met jou blokkies hemp
En awkward voorskoot
Jou pen speels in jou krulhare gebere
En boekie in hand het jy geglimlag
En vir my gesê

‘Welkom by Spur’

Welkom
Skielik was ek
Jou glimlag het my betower
My visioene laat sien van
nie ek nie maar ons
van saam speel en drankies deel
Drome doen en meer

‘Baie dankie, kan ek maar bestel?’

Alles in my moes alles in my keer
Om struikelend oor woorde
Te erken dat ek jou begeer
As ek jou kon bestel
Dan sou ek
As ek jou kon bekostig
Dan het ek

Helaas
Drankie na dop het
Die aand sy wending geneem
En een vir een was die klante
Daarmee heenSpare Ribs Ek wou jou nog vra
Ek moes jou nog sé
Maar…

Maar toe ek opkyk,
was al wat ek van daai aand sou hê
‘n Goeie bedoeling
‘n Beter memory
Van krulhare en smiles en tips
En ‘n tilslip vir my spare ribs

 

********************

Dankie dat jy gelsee het. Soos gewoonlik, verwys ek jou na my Standard Disclaimer, net so vir die wis en die onwis.

%d bloggers like this: